Saif Ali Khan News : बॉलिवूड अभिनेता सैफ अली खानवर चाकूने हल्ला झाल्यानंतर मोठी खळबळ निर्माण झाली. ठाण्यातून आरोपीला पोलिसांनी अटक केली. आरोपी हा मुंबईतील वरळी भागातील कोळीवाड्यात राहण्यास होता. हैराण करणारे म्हणजे तो काही महिन्यांपूर्वीच भारतात आला होता. चोरीच्या उद्धेशाने तो सैफच्या घरात घुसला आणि त्यानंतर हल्ला केला.
आरोपीच्या वकिलांचा मोठा दावा
आता सैफ अली खान याच्यावर हल्ला करणाऱ्या आरोपीच्या वकिलांनी कोर्टात युक्तीवाद केलाय. आरोपी शरीफुल याच्या पोलिस कोठडीत वाढ करण्यात आलीये. 29 जानेवारीपर्यंत त्याच्या कोठडीत वाढ झालीये. आरोपीच्या वकिलांनी मोठी माहिती देखील दिलीये. आरोपीच्या वकिलांचे म्हणणे आहे की, सीसीटीव्हीतील चेहरा हा शरीफुल याच्यासोबत मिळताजुळता नाहीये. आरोपीचे वकील बोलताना म्हणाले की, सीसीटीव्ही आणि अटकेतील आरोपीमध्ये साम्य नाही.
सैफवर हल्ला केल्यानंतर आरोपीचा बांगलादेशात वडिलांना फोन, म्हणाला तुम्हाला १० हजार पाठवलेत आणि…सीसीटीव्हीमध्ये दिसणारा तो नाहीच
यासोबतच आरोपीने चाैकशीत पोलिसांना सांगितले की, सीसीटीव्हीमध्ये दिसणारा व्यक्ती आणि मी एक नाहीये. मला याबद्दल माहिती नाहीये. पुढे वकिल म्हणाले, सध्या असा कोणत्याही पुरावा नाही, ज्यामध्ये शरीफुल हा आरोपी असल्याचा दावा केला जाऊ शकतो. सीसीटीव्हीमध्ये दिसणारा व्यक्ती दुसराच असल्याचा दावा वकिलांकडून करण्यात आला आहे. यावरूनच त्यांनी कोर्टात युक्तीवाद केला.
सीसीटीव्हीतला चेहरा शरीफुलशी मॅच नाही, आरोपीच्या वकिलांचा युक्तिवाद, कोर्टात काय काय घडलं
तपास अधिकाऱ्यांनी दिली मोठी माहिती
यावर तपास अधिकाऱ्यांनी म्हटले की, फेस रिक्रिएशन आणि ओळख परेड करण्यात येईल. आरोपीचे उपकरणे, कपडे जप्त करण्यात आली असून बुटाचा शोध सुरू आहे, अशी माहिती तपास अधिकाऱ्यांनी कोर्टात दिलीये. सैफ अली खान याने देखील पोलिसात जबाब नोंदवलाय. हल्ल्याच्या रात्री नेमके काय घडले हे सांगताना सैफ अली खान हा दिसला. करिना कपूर आणि त्यांच्या घरातील इतर कर्मचाऱ्यांचा जबाब अगोदरच पोलिसांनी नोंदवला आहे.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा