- Advertisement -
బిగ్బాస్ సండే ఎపిసోడ్‌కి సంబంధించిన ప్రోమో వచ్చేసింది. వైల్డ్‌కార్డ్ ఎంట్రీలతో బిగ్బాస్ 2.0 మోత మోగిపోనుంది. అయితే తాజాగా వదిలిన ప్రోమోలో ఎలిమినేషన్ రౌండ్ చూపించారు. రీతూ చౌదరి, ఫ్లోరా సైనీ మధ్య ఎలిమినేషన్ రౌండ్ జరిగింది. ఇక ఎక్కడ రీతూ ఎలిమినేట్ అయిపోతుందా అని డీమాన్ పవన్ కంటతడి పెట్టేసుకున్నాడు. రీతూ కూడా ఐ మిస్ యూ పవన్ అంటూ ఒకటే ఏడుపు. ఇలా ఇద్దరినీ ఎమోషనల్ చేసేశారు హోస్ట్ నాగార్జున.
హైలైట్:
- బిగ్బాస్ టుడే ఎపిసోడ్ ప్రోమో
- ఫ్లోరా-రీతూ మధ్య ఎలిమినేషన్ రౌండ్
- వెక్కివెక్కి ఏడ్చిన రీతూ చౌదరి
టాస్క్‌‌లో దేంట్లో అయినా కూడా ఓవరాల్ గేమ్‌లో రీతూ కొంచెం ఎక్కువ ఎఫర్ట్ పెట్టింది.. అని దివ్య చెప్పింది. ఇద్దరిలో కంపేర్ చేస్తే రీతూయే స్ట్రాంగ్ సార్ ఇద్దరి కంటే.. అంటూ కళ్యాణ్ అభిప్రాయపడ్డాడు. అయితే ఫ్లోరా వెళ్లిపోవాలంటావ్.. అని నాగ్ అడిగితే అవును సార్ అంటూ తలాడించాడు. సరే మీరు హౌస్‌లో ఎవరిని బాగా మిస్ చేస్తారో వాళ్లకి ఏం చెప్పాలనుకుంటున్నారో చెప్పండి.. అంటూ రీతూ-ఫ్లోరాకి ఛాన్స్ ఇచ్చారు నాగ్.
రీతూ చౌదరి-డీమాన్ ఏడుపు
ముఖ్యంగా నేను సంజన గారికి థాంక్స్ చెప్పాలి.. ఎందుకంటే నేను ఎప్పుడు ఏడ్చినా హౌస్ మొత్తంలో సంజన గారికే తెలుస్తుంది.. ఆవిడ మాత్రమే నన్ను ఓదార్చడానికి వస్తారు.. అంటూ ఫ్లోరా ఎమోషనల్ అయింది. ఇక రీతూ అయితే ఏడుపు మొదలెట్టేసింది. పవన్ ఐ మిస్ యూ సో మచ్.. నిన్ను చాలా అంటే చాలా మిస్ అవుతాను బయటికి వెళ్లిన తర్వాత ఒక వేళ వెళ్తే.. నాకు నిన్ను వదిలిపెట్టి పెళ్లాలని లేదు.. ఐ మిస్ యూ.. అంటూ రీతూ వెక్కివెక్కి ఏడ్చింది.
ఇక ఈ మాటలు వింటూ డీమాన్ కూడా కంటతడి పెట్టుకున్నాడు. మీ ఉద్దేశం ఏమైనా ఆడియన్స్ ఉద్దేశం ఏంటి అన్నది చూద్దాం.. ఎవిక్షన్‌కి టైమ్ అయింది.. ఈ ఆటలో ఎవరి లైఫ్‌లైన్ పోతుందో బిగ్బాస్ డిసైడ్ చేస్తారు.. కేవలం ఆడియన్స్ ఓటింగ్ ఆధారంగానే ఈ ఎలిమినేషన్ జరుగుతుంది.. అని నాగార్జున చెప్పారు. ఇలా ఎలిమినేషన్ రౌండ్‌‌లో టెన్షన్ పెట్టి ప్రేమ పక్షుల్ని విలవిలలాడిపోయేలా చేశారు నాగ్.
నెక్స్ట్ ప్రోమోలో వైల్డ్ కార్డ్ ఎంట్రీల రాక.. చూపించే అవకాశం ఉంది. అయితే ఇక్కడ మరో ట్విస్ట్ ఏంటంటే వాళ్లు వచ్చిన తర్వాత వైల్డ్‌కార్డ్స్‌తో మరో ఎలిమినేషన్ కూడా జరగబోతుంది. ఫ్లోరా ఓటింగ్ ఆధారంగా ఎలిమినేట్ కాగా.. శ్రీజ దమ్ము వైల్డ్ కార్డ్స్ కారణంగా ఎలిమినేట్ అయినట్లు ఇప్పటికే లీక్ అయింది.
రచయిత గురించిఆర్ కే మురళీ కృష్ణఆర్‌కే మురళీ కృష్ణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఆయన సినిమా, టీవీ రంగాలకి సంబంధించిన అప్‌డేట్స్, సినిమా రివ్యూలు, బిగ్బాస్ న్యూస్, స్పెషల్ స్టోరీలు అందిస్తారు. తనకు జర్నలిజంలో 7 ఏళ్లకి పైగా అనుభవం ఉంది. ఇప్పటివరకు ప్రముఖ మీడియా సంస్థల్లో వార్తలు, సినిమాకి సంబంధించిన వార్తలు రాశారు. బిగ్బాస్, మూవీ రివ్యూలు, ప్రత్యేక కథనాలు అందించిన అనుభవం ఉంది. ఈజేఎస్‌లో మల్టీ మీడియా జర్నలిజం కోర్స్ పూర్తి చేశారు. మురళీ కృష్ణ 2024 డిసెంబర్‌లో వావ్ స్టోరీ అవార్డును టైమ్స్ ఇంటర్నెట్ నుంచి అందుకున్నారు.… ఇంకా చదవండి
- Advertisement -
