பிக் பாஸ் நிகழ்ச்சியின் 5வது சீசனில் டைட்டிலை வென்ற ராஜு ஜெயமோகன் இதுவரை எந்த டிவி பிரபலமும் செய்யாத ஒரு சாதனையை செய்திருக்கிறார். அதை பார்த்த ரசிகர்கள் ராஜு பாய்க்கு வாழ்த்து தெரிவித்துக் கொண்டிருக்கிறார்கள்.
முக்கிய அம்சங்கள்:
- ராஜு ஜெயமோகனுக்கு குவியும் வாழ்த்து
- குக் வித் கோமாளி 6 நிகழ்ச்சியில் பங்கேற்ற ராஜு
- பெரியதிரையிலும் பிசியாகி வரும் ராஜு
வின்னர் தேர்வு: அதை பார்த்த ராஜுவின் ரசிகர்கள் கூறியிருப்பதாவது, தகுதியில்லாதவருக்கு எப்படி டைட்டிலை கொடுப்பார்கள்?. ராஜுவுக்கு எல்லா தகுதியும் இருப்பதால் தான் அவரை வின்னராக தேர்வு செய்திருக்கிறார்கள். ராஜு பாய் மீதான வன்மத்தால் அவருக்கு நியாயமாக கிடைத்திருக்கும் வெற்றியை போய் டைட்டில் ஃபிக்சிங் என்று குறை சொல்ல வேண்டாம் என்கிறார்கள்.
விஜய் டிவியில் ஒளிபரப்பாகி வரும் ரியாலிட்டி ஷோவில் ராஜு ஜெயமோகன் வின்னராகியிருப்பது இது ஒன்றும் முதல் முறை அல்ல. முன்னதாக விண்வெளி நாயகன் கமல் ஹாசன் தொகுத்து வழங்கிய பிக் பாஸ் 5 நிகழ்ச்சியில் கலந்து கொண்டு டைட்டில் வின்னர் ஆனார் ராஜு பாய்.பிக் பாஸ் நிகழ்ச்சியிலும், குக் வித் கோமாளி நிகழ்ச்சியிலும் வின்னரான ஒரே நபர் ராஜு ஜெயமோகன் தான். இதன் மூலம் எந்த பிரபலமும் இதுவரை செய்திராத சாதனைக்கு சொந்தக்காரர் ஆகிறியிருக்கிறார்.
பிக் பாஸ் பிரபலங்கள்: பிக் பாஸ் நிகழ்ச்சியில் கலந்து கொண்டு டைட்டிலை வெல்ல முடியாமல் போன வனிதா விஜயகுமார் மற்றும் ப்ரியங்கா தேஷ்பாண்டே ஆகியோர் குக் வித் கோமாளி நிகழ்ச்சியில் பங்கேற்று வின்னர் ஆனார்கள் என்பது குறிப்பிடத்தக்கது. குக் வித் கோமாளி 5 நிகழ்ச்சியின் வின்னர் ப்ரியங்கா தேஷ்பாண்டே. இதையடுத்து மேலும் ஒரு முன்னாள் பிக் பாஸ் போட்டியாளர் வின்னராகியிருக்கிறார்.
பிக் பாஸ் வீட்டில் தங்கியவர்களில் இதுவரை வனிதா, ப்ரியங்கா தேஷ்பாண்டே, ராஜு ஜெயமோகன் என்று மூன்று பேர் குக் வித் கோமாளி நிகழ்ச்சியில் வெற்றி பெற்றிருக்கிறார்கள் என்பது குறிப்பிடத்தக்கது. இந்நிலையில் குக் வித் கோமாளி 6 நிகழ்ச்சியில் பங்கேற்று ரசிகர்களை கவர்ந்த உமைர் லத்தீஃப் பிக் பாஸ் 9 வீட்டிற்கு செல்லவிருக்கிறார். குக் வித் கோமாளி வெற்றியை தவறவிட்ட உமைர் லத்தீஃபால் பிக் பாஸ் 9 டைட்டில் வின்னர் ஆக முடியுமா என்பதை பொறுத்திருந்து பார்ப்போம்.
சோனியா சோனியா சாங் ஹிட்…ரட்சகன் பார்ட்-2 வரும்!
குக் வித் கோமாளி நிகழ்ச்சி முடிவுக்கு வந்துவிட்டதால் அடுத்து அனைவரின் கவனமும் பிக் பாஸ் பக்கம் திரும்பிவிடும். பாக்க பாக்க தான் புரியும் போக போக தான் தெரியும்னு விஜய் சேதுபதியை தொடர்ந்து பேசவிட்டு வீடியோ வெளியிட்டு வருகிறார்கள். இதற்கிடையே இந்த சீசனில் வாட்டர்மெலன் ஸ்டார் டாக்டர் திவாகர், டிவி சீரியல் நடிகை நேஹா, நடிகை நக்ஷத்ரா நாகேஷ், ஹார்ட் பீட் ரோஷன், புவி அரசு ஆகியோரை போட்டியாளர்களாக தேர்வு செய்திருப்பதாக கூறப்படுகிறது. பெரிதும் எதிர்பார்க்கப்பட்ட கூமாப்பட்டி தங்க பாண்டியை இந்த சீசனில் பிக் பாஸ் வீட்டில் பார்க்க முடியாது என்று தகவல் வெளியாகியிருக்கிறது.
ஆசிரியர் பற்றிஷமீனா பர்வீன்2019ம் ஆண்டில் இருந்து Times Of India சமயம் டிஜிட்டல் ஊடகத்தில் சினிமா செய்திகள் அளித்து வருகிறார். ஆங்கில இலக்கியத்தில் முதுகலை பட்டம் பெற்றவர். முன்னதாக லேட்டஸ்ட் செய்திகள், லைஃப்ஸ்டைல், விளையாட்டு செய்திகள் அளித்து வந்தார்.… மேலும் படிக்க
