Yogesh Mahajan Passes Away,कलाविश्वावर शोककळा! लोकप्रिय अभिनेते योगेश महाजन यांचं वयाच्या ५०व्या वर्षी निधन – hindi marathi bhojpuri actor yogesh mahajan passes away at the age of 50 because of cardiac arrest

योगेश यांना शनिवारी संध्याकाळी शूटिंगची शिफ्ट संपताना तब्येत बिघडली असल्याचं जाणवलं. त्यामुळे ते डॉक्टरांकडे गेले, तपासणी केली. रात्री हॉटेलमध्ये येऊन झोपले. रविवारी सकाळी ते शूटिंगसाठी सेटवर पोहोचले नाहीत त्यामुळे मालिकेच्या टीमने त्यांना बरेच फोन केले. पण त्यांनी फोन रिसिव्ह केला नाही. शेवटी टीमने हॉटेलच्या रूमचा दरवाजा तोडून आत गेल्यावर ते बेडरूममध्ये खाली पडलेल्या अवस्थेत आढळले. मात्र, योगेश यांनी आधीच प्राण सोडला होता.
‘मी आणि मोहन दोन वर्ष…’ लिव्ह-इनमध्ये राहण्याबद्दल स्पष्टच बोलल्या शुभांगी गोखले, लेकीलाही दिलेला सल्ला

योगेश महाजन यांच्या कुटुंबाकडून माहिती

योगेश महाजन यांच्या अंतयात्रेची माहिती महाजन कुटुंबाने शेअर केली आहे. त्यांनी लिहिलं की, ‘आपल्या प्रिय योगेश महाजन यांचे अचानक निधन झाले हे कळवताना आम्हाला खूप दुःख होत आहे.’ १९ जानेवारी २०२५ रोजी हृदयविकाराच्या झटक्याने रविवारी त्यांचं निधन झालं. आमच्या संपूर्ण कुटुंबासाठी, नातेवाईकांसाठी आणि मित्रांसाठी हा एक भयानक धक्का आहे.’कलाविश्वानेसुद्धा अभिनेत्याच्या निधनाने हळहळ व्यक्त केलीये. अभिनेत्याच्या पश्चात त्यांची पत्नी आणि मुलगा असं कुटुंब आहे.
दिवंगत अभिनेते योगेश महाजन यांची अंतिम यात्रा आज सोमवार, २० जानेवारी २०२५ रोजी सकाळी ११ वाजता बोरिवली पश्चिम मुंबईतील प्रगती हायस्कूलजवळील गोरारी-२ स्मशानभूमीतून काढण्यात येईल.

योगेश महाजन यांचे सिनेमे

योगेश यांचा जन्म १९७६ मध्ये जळगाव येथील एका शेतकरी कुटुंबात झाला. इंडस्ट्रीमध्ये कोणीही गॉडफादर नसताना त्यांनी स्वबळावर हिंदी, मराठी, भोजपुरी कलाविश्वात नाव कमावलं. कलाक्षेत्रात येण्यापूर्वी ते भारतीय सैन्यात होते. भोजपुरी सिनेमातून त्यांनी अभिनयक्षेत्रात पदार्पण केलं. ‘संसाराची माया’, ‘मुंबईचे शहाणे’ यांसारख्या मराठी सिनेमात त्यांनी काम केलंय.